ہانگ کانگ(آن لائن)ہانگ کانگ کرکٹ بورڈ نے منظوری کے بغیر ایشیا پریمیئر لیگ میں شرکت کرنے پر اپنے کھلاڑی حسیب امجد کو ایک سال کیلئے معطل کر دیا ہے۔ خیال رہے کہ یہ ٹورنامنٹ انٹرنیشنل کرکٹ کونسل (آئی سی سی) سے منظور شدہ نہیں تھا،
اس لیے ہانگ کانگ کرکٹ بورڈ نے اپنے کھلاڑیوں کو اس میں شرکت سے منع کیا تھا، تاہم بورڈ کے احکامات کو نظر انداز کرتے ہوئے حسیب امجد نے اس میں شرکت کی اور نیپال سٹرومز کی نمائندگی کی۔ بورڈ کے احکامات کو نظر انداز کرنے پر اب 19 جون 2018 تک ان کی تمام کرکٹ سرگرمیوں پر پابندی عائد کر دی گئی ہے۔
