نئی دہلی(این این آئی)بھارت کی پولیس نے مظاہرین کو منتشر کرنے کے لیے اسرائیل کا تیار کردہ اسٹنک بم ناکارہ قرار دے کر مسترد کردیا ہے۔بھارتی میڈیا کے مطابق سینٹرل پیراملٹری پولیس فورس کے ایک عہدے دار نے بتایا کہ مشقوں کے دوان یہ بات سامنے آئی کہ
مظاہرین کو منتشر کرنے کے لئے بو پھیلانے والااسرائیلی ساختہ ’’اسٹنک بم‘‘ موثر نہیں، یہ بم مظاہرین کو منتشر کرنے میں کامیاب نہیں رہا۔پولیس عہدے دار کا موقف تھا کہ ہوسکتا ہے کہ بھارتیوں میں بو برداشت کرنے کی صلاحیت زیادہ ہوجس کی وجہ سے اسرائیلی بم موثر ثابت نہیں ہوا۔
