راولپنڈی (نیوزڈیسک) منی لانڈرنگ کیس میں عدالت نے ماڈل ایان علی کی درخواست ضمانت خارج کردی۔ایان علی کی درخواست ضمانت کی سماعت لاہور ہائی کورٹ کے روالپنڈی بینچ میں جسٹس محمود مقبول باجوہ نے کی، دوران سماعت ملزمہ کے وکیل نے دلائل دیتے ہوئے کہا کہ رقم ایان علی کی اپنی تھی اور وہ اتنی رقم بیرون ملک لے جانے پر پابندی سے لاعلم تھی جب کہ کسٹم وکیل نے اپنے دلائل میں عدالت سے استدعا کی کہ ملزمہ سے تفتیش جاری ہے اس لئے ان کی ضمانت کی درخواست منظور نہ کی جائے۔عدالت نے دونوں فریقین کے دلائل سننے کے بعد فیصلہ سناتے ہوئے ماڈل کی ضمانت کی درخواست خارج کردی۔