اسلام آباد( نیوزڈیسک)الیکشن ٹربیونل نے این اے 128 اور پی پی 160 کے ووٹوں کی تصدیق نادرا سے کروانے کا حکم دیدیا۔ لاہور میں الیکشن ٹربیونل کے جج کاظم ملک نے کیس کی سماعت شروع کی تو عدالت کے روبرو تحریک انصاف کے کرامت کھوکھر نے موقف اختیار کیا کہ این اے 128 میں بڑے پیمانے پر دھاندلی ہوئی پولنگ سٹشنز کے نتائج تبدیل کیے گئے جس کے نتیجہ میں ن لیگ کے افضل کھوکھر کامیاب ہوئے۔ دوران سماعت پی ٹی آئی کے ظہیر عباس کھوکھر نے بتایا کہ پی پی 160 میں دھاندلی کر کے ن لیگ کے سیف الملکوک کھوکھر کامیاب ہوئے۔ اس حلقہ میں جعلی ووٹ کاسٹ کیے گئے جس کے واضح ثبوت موجود ہیں۔ لہٰذا ووٹوں کی تصدیق نادرا سے کروائی جائے۔ عدالت کے روبرو افضل کھوکھر اور سیف الملکوک کھوکھر کے وکلا نے ان درخواستیں کی مخالفت کی عدالت نے تمام دلائل سننے کے بعد این اے 128 اور پی پی 160 کے ووٹوں کی تصدیق نادرا سے کروانے کا حکم دیدیا اور مزید سماعت 14 اپریل تک ملتوی کر دی۔