اسلام آباد (نیوزڈیسک) نیپرا نے کے الیکٹرک کے لئے بجلی کی فی یونٹ قیمت میں ایک روپے 23 پیسے جب کہ دیگر تقسیم کار کمپنیوں کے لئے 2 روپے 8 پیسے سستی کرنے کا نوٹی فکیشن جاری کردیا۔نیپرا کی جانب سے جاری اعلامیے کے مطابق کے الیکٹرک کے لئے بجلی کی قیمت میں کمی دسمبر کے فیول ایڈجسٹمنٹ کی مد میں جب کہ دیگر تقسیم کار کمپنیوں کے لئے جنوری کے فیول ایڈجسٹمنٹ کی مد میں کی گئی ہے جس سے بجلی کے صارفین کو اپریل کے بلوں میں 13 ارب روپے کا ریلیف ملے گا تاہم اس کا اطلاق 50 یونٹ ماہانہ استعمال کرنے والے صارفین پر نہیں ہوگا۔