اسلام آباد (مانیٹرنگ ڈیسک) دبئی کا ایک ماہ کا فری ویزا، تفصیلات کے مطابق دبئی کی اماراتی ائیر لائن اس سال تھائی لینڈ کے رہنے والوں کو مخصوص مدت کے لیے مفت ویزہ دے رہی ہے۔ اماراتی ائیر لائن کے مطابق ایسے تھائی افراد جو بنکاک سے دبئی سیر و تفریح کے لیے 14 جولائی سے 14 اگست کے درمیان نومبر تک کی ٹکٹیں بک کرائیں گے ان کو اماراتی ائیر لائن 90 ڈالر کا مفت ویزہ دے گی۔
اس ائیر لائن کا اکانومی ٹکٹ 500 ڈالر ہے اور بزنس کلاس کا ٹکٹ 1432 ڈالر کا ہے۔ اس وقت امارات ائیر لائنز ہفتے میں 42 اور روزانہ 2 پروازیں براہ راست دبئی سے بنکاک انٹرنیشنل ائیر پورٹ اور فوکٹ انٹرنیشنل ائیرپورٹ تک چلاتی ہے۔ اس ائیر لائن کی پرواز کا دورانیہ تقریباً 25.6 گھنٹے کا ہوتا ہے، ائیر لائن نے بنکاک جانے والی پرواز میں بزنس کلاس کا ایک لاؤنج متعارف کرایا تھا جو کہ دوبارہ بحال کر دیا گیا ہے، اس میں اب کاروباری حضرات کے ساتھ ساتھ پلاٹینم اور گولڈ ایوارڈز کے اراکین بھی سفر کر سکیں گے۔ دبئی نے یہ آفر 2020 تک سالانہ 20 ملین سیاحوں کو متوجہ کرنے کی کوشش کے لیے یہ آفر دی ہے۔ ذرائع کے مطابق اس سال چینی اور روسی سیاحوں کی بڑی تعداد نے دبئی کا رخ کیا ہے اس کے علاوہ دبئی اپنی ویزہ پالیسی مزید آسان کرنے کا ارادہ رکھتا ہے تاکہ آنے والے سالوں میں سیاحوں کی تعداد میں اضافہ ہو سکے۔
