اسلام آباد (آئی این پی) سپریم کورٹ کے باہر سیاسی کارکنان کی باہمی لڑائی کے ممکنہ خطرات کے باعث ریڈ زون میں سیکیورٹی کو ریڈ الرٹ کر دیا گیا، سپریم کورٹ کی عمارت کے اندر، احاطہ عدالت اور شاہراہ دستور پر پولیس کی بھاری نفری تعینات کر دی گئی ہے تا کہ کسی بھی ممکنہ تصادم کو روکا جا سکے۔ بدھ کو سپریم کورٹ میں پانامہ کیس میں جے آئی ٹی کی رپورٹ پر سماعت کے دوران سیاسی کارکنان کو سپریم کورٹ
کے اندر جانے سے روکا گیا اور پولیس اہلکاروں نے اندر جانے والے رہنماؤں اور وکلاء سے شناخت طلب کی، ممکنہ تصادم کو روکنے کیلئے پولیس کی بھاری نفری سپریم کورٹ کی عمارت کے اندر اورکمرہ عدالت کے باہر، احاطہ عدالت اور شاہراہ دستور پر تعینات رہی۔ پولیس کے سپیشل برانچ کے اہلکاروں کی بڑی تعداد بھی سپریم کورٹ کے اندر اور باہر موجود رہی۔
