لاہور (این این آئی) صوبائی وزیر محکمہ مال عطا مانیکا نے نارواسلوک پر اپنی وزارت سے استعفیٰ دیدیا ، وزیراعلیٰ پنجاب شہبازشریف نے استعفیٰ منظورنہ کیا ۔ میڈیا رپورٹس کے مطابق صوبائی وزیر محکمہ مال عطا مانیکا نے نارواسلوک پر اپنی وزارت سے استعفیٰ دیدیا ۔ صوبائی وزیر مال عطاء مانیکا نے کہا ہے کہ حکومت نے مجھے پچھلے چار سالوں میں دیوار سے لگا کر رکھا ہے، 4 برسوں میں بھرپور کوشش کے باوجود وزیر اعلی پنجاب سے بمشکل دو دفعہ ملاقات ہو سکی،

سینئر پارلیمنٹیرین ہونے کے باوجود مجھے غیرفعال محکمہ جات دیئے گئے۔انہوں نے مزید کہا کہ چار سالوں سے مجھ پر فیملی اور دوستوں کا وزارت چھوڑنے کیلئے شدید دبا ؤتھا مگر اب مجبور ہو کر استعفیٰ دے رہا ہوں۔ انہوں نے کہاکہ میں گزشتہ پانچ روز استعفیٰ بھجوایا تھا تاحال جواب نہیں ملا۔انہوں نے کہاکہ مسلم لیگ (ن)کا ہوں اور رہوں گا کسی اور جماعت میں شامل ہونے کا کوئی ارادہ نہیں ۔

موضوعات:استعفیٰ عطا مانیکا