اسلام آباد (آن لائن ) پانامہ لیکس کیس پر جے آئی ٹی رپورٹ کے بعد جہاں مسلم لیگ (ن)کو شدید تنقید اور دبائو کا سامنا ہے وہیں پر شریف خاندان کی صحت پر پڑنے والے اس کے مففی اثرات بھی سامنے آنا شروع ہو گئے ہیں۔ وزیر اعظم کی اہلیہ کلثوم نواز کے حوالے سے تشویشناک خبر سامنے آگئی ہے ۔ ذرائع کا کہنا ہے کہ ڈاکٹروں کی ماہر ٹیم مسلسل انکا معائنہ کر رہی ہے انہیں بلڈ پریشر کے ساتھ ساتھ گھٹنوں میں درد کی بھی شکایت ہے۔
گزشتہ روز پمز کی ڈاکٹر عائشہ عیسانی اور پولی کلینک کی ڈاکٹر ارم نے دیگر ڈاکٹرز کے ہمراہ الٹراساؤنڈ مشین ساتھ لیکر وزیراعظم ہا ئوس گئی تھیں جہاں پر انکے خون کے نمونے بھی لئے گئے ۔ذرائع کا کہنا ہے کہ بیگم کلثوم نواز کی طبیعت ان دنوں انتہائی ناساز بتائی جا رہی ہے اور اسکی ایک بڑی وجہ موجودہ صورتحال بھی ہے جس میں شریف خاندان کو پانامہ کیس کے حوالے سے شدید دبائو کا سامنا ہے ۔
