فیصل آباد (این این آئی)فیصل آباد کے نواحی علاقہ میں میاں بیوی نے گھریلو جھگڑے پر دلبرداشتہ ہو کر خود کشی کر لی۔ دونوں کی شادی 3 سال قبل ہوئی تھی۔اطلاعات کے مطابق تاندلیانوالہ کے گاؤں 592 میں گھریلو جھگڑے پر شوہر اور بیوی دونوں نے اپنی زندگی کا خاتمہ کر لیا۔ ذرائع کے مطابق 25 سالہ

رب نواز نے بیوی سے جھگڑ کر گندم کی گولیاں کھا لیں ٗجسے نازک حالت میں الائیڈ ہسپتال منتقل کیا گیا تاہم وہ دم توڑ گیا ٗ شوہر کی موت کی خبر سن کو اسکی 22 سالہ بیوی نصرت نے بھی گندم کی گولیاں کھا کر اپنی زندگی کا خاتمہ کر لیا۔ دونوں کی شادی 3 سال قبل ہوئی تھی اور ایک چھوٹی سی بچی بھی ہے۔