اسلام آباد(مانیٹرنگ ڈیسک)پاک فضائیہ کا سی 130 طیارہ رائل ایئر فورس بیس فیئر فورڈ میں ہونے والے دنیا کے سب سے بڑے ٹیٹو شو میں شرکت کر رہا ہے۔ ائیر شو کے اس سال کی تھیم “اکیسویں صدی پارٹنرشپ ” ہے۔اکیس اسکواڈرن سے تعلق رکھنے والا یہ طیارہ ٹرافی کے مقابلے کیلئے رائل انٹر نیشنل ٹیٹو شو میں شرکت کر رہا ہے جو عوام کے لئے 14جولائی سے 17جولائی تک کھلا رہے گا۔یہاں یہ بات بھی قابل ذکر ہے کہ پاک فضائیہ کے سی 130طیارے نے گزشتہ سال یہ ٹرافی جیتی تھی۔

پاک فضائیہ کے افسران اور4 ائیرمین پر مشتمل ایک دستہ اس بین الاقوامی شو میں حصہ لے رہا ہے۔رائل انٹرنیشنل ایئر ٹیٹو شو دنیا کا بہترین شو ہے، جس میں دنیا کی بہترین فضائیہ کے جدید طیارے شرکت کر رہے ہیں،مختلف فضائی افواج ،ایئر اسپیس اور ٹیکنالوجی کی مختلف کمپنیاں اس شو میں حصہ لے رہی ہیں۔اس ایئر شو کی نمایاں بات ریڈ ایئر اپنے روایتی حریف ٹھنڈر برڈ کے مقابلے میں نظر آئیں گے۔ اس شو میں ترکی، اسپین، جرمنی، فرانس، کینیڈا، امریکی سمیت کئی اہم ایر فورسز اپنے جدید اور اعلیٰ طیاروں کے ہمراہ شریک ہیں۔