اسلام آباد(نیوز ڈیسک) ترجمان تحریک انصاف شیریں مزاری نے قائد ایم کیوایم الطاف حسین پرکڑی تنقید کرتے ہوئے کہا ہے کہ ایم کیو ایم اسٹیٹس کو جماعت ہے اورکراچی کی تباہی میں الطاف حسین کا بڑا ہاتھ ہے۔ الطاف حسین نے کراچی کو یرغمال بنا رکھا ہے۔شیریں مزاری نے کہا کہ نائن زیرو آپریشن کے بعد ٹارگٹ کلنگ میں کمی کس بات کی طرف اشارہ ہے، وقت آ گیا ہے کہ الطاف حسین قوم کو حساب دیں۔

الطاف حسین کے قیادت چھوڑنے کا حالیہ اعلان واپس لینے پر شیریں مزاری نے کہا کہ الطاف حسین ہر تیسرے ہفتے قیادت چھوڑنے کا اعلان کرتے ہیں۔ انہوں نے کہا کہ اطاف حسین ماؤں،بیٹیوں کیلئےشرمناک زبان استعمال کرتےہیں۔ صحافیوں اور تاجروں کو دھمکیاں دینا ایم کیو ایم کا طرہ امتیاز ہے،

شیریں مزاری نے دعویٰ کیا کہ نائن زیروسےبھی پی ٹی آئی ہی الیکشن جیتےگی۔ ترجمان تحریک انصاف نے کہا کہ کراچی سےظلم کی رات کاخاتمہ ہونیوالاہے، کراچی کو روشنیوں کا شہر بنائیں گے