پیانگ ینگ(آئی این پی ) شمالی کوریا نے امریکا کے دو بمبار طیاروں کی شمالی کوریا کے بیلسٹک میزائل اور جوہری پروگرام کے خلاف منعقدہ تربیتی مشن میں شرکت پر رد عمل کا اظہار کرتے ہوئے کہا کہ یہ حرکت پورے کوریا میں جنگ شروع کروا سکتی ہے ۔
غیر ملکی خبررساں ادارے کے مطابق شمالی کوریا کی لیبر پارٹی کے نشریاتی ادارے روڈونگ سنمن کی طرف سے نشر کردہ بیان میں کہا گیا ہے کہ جنوبی کوریا اور امریکہ کے درمیان مشترکہ فوجی مشقیں آگ پر پیٹرول چھڑکنے کے مترادف ہے۔بیان میں کہا گیا ہے کہ ایک معمولی سا غلط فیصلہ یا غلطی ایک جوہری جنگ کے آغاز کا سبب بن سکتی ہے اور اس جنگ کے تیسری عالمی جنگ میں تبدیل ہو نے میں بھی کوئی شبہ نہیں ہونا چاہیے۔
