نیو یارک(آئی این پی)امریکی صدر ڈونلڈ ٹرمپ کی بیٹی ایوانکا ٹرمپ سے ملاقات کی خواہش رکھنے والے جعلی امریکی سینیٹر کو گرفتار کرلیا گیا جس سے چاقو اور جعلی آئی ڈی کارڈ برآمد کرلیا گیا۔غیر ملکی میڈیا کے مطابق ڈونلڈ ٹرمپ کی بیٹی ایوانکا ٹرمپ سے ملنے کے لیے ایک شخص نے امریکی سینیٹر ہونے کا دعوی کیا
اور ٹرمپ ٹاور کے اندر گھس آیا جب کہ سینیٹر ہونے کا دعوی کرنے والے شخص کے پاس 2 چاقو بھی تھے اور وہ ایوانکا کا پوچھ رہا تھا۔نیویارک پولیس کے مطابق 52 سالہ ایڈمز بینیٹیز کو حراست میں لے لیا گیا، ملزم کے پاس بلٹ پروف جیکٹ اور جعلی آئی ڈی کارڈ بھی تھا جب کہ پولیس نے گرفتار شخص کو ذہنی مریض قرار دیا۔
