اسلام آباد (مانیٹرنگ ڈیسک) جی 20 اجلاس جو کہ جرمنی کے شہر ہیمبرگ میں ہو رہا ہے، اس اجلاس کے دوران چین نے چینی صدر شی جنگ پنگ اور بھارت کے وزیراعظم نریندر مودی کی ملاقات کا امکان مسترد کر دیا ہے۔ میڈیا ذرائع کے مطابق چین اور بھارت میں متنازع سرحدی علاقے سکم میں بھارتی فوج کی دراندازی کی وجہ سے دونوں ملکوں میں شدید سرحدگی کشیدگی ہے، یہ سرحدی کشیدگی ابھی جاری

ہے کہ جرمنی میں جی 20 ممالک کا اجلاس بھی شروع ہو گیا ہے اس اجلاس میں چینی صدر شی جن پنگ اور بھارتی وزیراعظم نریندر مودی بھی شریک ہیں، سرحدی علاقے سکم کے تنازع کو حل کرنے کے لیے دونوں رہنماؤں کی ملاقات پر قیاس آرائی کی جا رہی ہیں، بھارتی میڈیا نے کہا کہ چین کی وزارت خارجہ نے اس ملاقات کے امکان کو مسترد کر دیا ہے اور کہا ہے کہ یہ ملاقات کے لیے مناسب وقت نہیں ہے۔