اسلام آباد(مانیٹرنگ ڈیسک) تازہ ترین میڈیا رپورٹس کے مطابق رانا ثنا اللہ نے جمشید دستی سے فون پر رابطہ کیا ہے ۔ ذرائع کے مطابق ٹیلی فونک بات چیت میں رانا ثنا اللہ نے جمشید دستی کی رہائی سے متعلق بات چیت کی جس میں تبادلہ خیا ل کرتے ہوئے جنوبی پنجاب سے تعلق رکھنے والے رکن قومی اسمبلی جمشید دستی نے کہا کہ انہوںنے قانون پر اثر انداز نہیں ہونا چاہا وہ بس لوگوں کی باتوں میں آگئے تھے
جواب میں رانا ثنا اللہ خان کا کہنا تھا کہ قانون کی بالا دستی کیلئے کسی بھی قسم کا کوئی سمجھوتا نہیں کر سکتے ۔ انہوںنے کہ جمشید دستی کو کہا کہ وہ اپنی ضمانت کیلئے عدالت سے روجوع کریں ، ان کا مزید کہنا تھا کہ حکومت انتقامی سیاست پر یقین نہیں رکھتی ۔ دوسری جانب گرفتار رکن قومی اسمبلی جمشید دستی کی بہن نے وزیراعظم ہاؤس کے باہر خودسوزی کی دھمکی دیدی ،انہوں نے کہا کہ ان کے بھائی کیخلاف جھوٹے مقدمات بنانے کا سلسلہ بند کیا جائے ورنہ وہمیں وزیر اعظم ہائوس کے باہر خود کو آگ لگا لیں گی ۔واضح رہے کہ آئی جی جیل خانہ جات کی جانب سے وزیر قانون کو پیش کی گئی رپورٹ میں کہا گیا ہے کہ جیل کے سیل پختہ ہیں اور وہاں کوئی بچھو یا چوہے نہیں ہیں، جبکہ رکن اسمبلی کو جیل میں ٹی وی، ائیر کولر اور اخبار کی سہولت بھی میسر ہے۔
