اسلام آباد (مانیٹرنگ ڈیسک) برطانیہ میں 21 سالہ ریشم خان اور 37 سالہ جمیل مختار پر سفر کے دوران تیزاب پھینک دیا گیا، تفصیلات کے مطابق برطانیہ میں مسلمانوں کے خلاف نفرت میں اضافہ ہو رہا ہے، جس کی مثال یہ تازہ ترین واقعہ ہے جس میں 21 سالہ ریشم خان اور 37 سالہ جمیل مختار مشرقی لندن میں گاڑی پر سفر کر رہے تھے کہ بیکٹن کے

علاقے میں اچانک ایک شخص نے ان پر تیزاب پھینک دیا۔ تیزاب سے متاثرہ شخص نے غیر ملکی میڈیا سے گفتگو کرتے ہوئے کہا کہ واقعہ تعصب اور اسلام فوبیا کی کڑی ہے۔ جمیل مختار نے بتایا کہ تیزاب کی وجہ سے ان کی کزن ریشم خان کا چہرہ اور جسم بری طرح جل چکا ہے۔ وہاں کی پولیس نے مشتبہ حملہ آور کی تلاش شروع کر دی ہے۔