سبی( آئی این پی) کوئٹہ سے راولپنڈی جانے والی جعفر ایکسپریس کو بم سے اڑانے کی کاشش ناکام، ریلوے گینگ مینوں و ایف سی کی بروقت کاروائی سے کئی قیمتی جانیں بچ گئیں، کوئٹہ سے طلب کی گئی بم ڈسپوزل ٹیم نے ناکارہ بنادیا۔تفصیلات کے مطابق کوئٹہ سے راولپنڈی جانے والی جعفر ایکسپریس کو بم سے تباہ کرنے کی کوشش ناکام بنادی گئی۔
ٹریک کی چیکنگ کرنے والے ریلوے گینگ مین بہرام خان اور فیض محمد ریلوے لائن و ٹریک کی چیکنگ کررہے تھے کہ مچ کے قریب دوران پیٹرولنگ ایک مشکوک بیگ نظر آیا جس کی اطلاع فوری طور پر مچ میں خدمات سرانجام دینے والی ایف سی کی فورس کو دی گئی جس نے فوری طور پر علاقہ میں گھیرے میں لے کرکوئٹہ سے اندرون ملک اور کراچی لاہور راولپنڈی سے آنے والی مسافر ٹرینوں کو حفاظتی اقدامات اٹھاتے ہوئے مختلف اسٹیشنوں پر روک دیا گیا اور بم ڈسپوزل ٹیم کو کوئٹہ سے طلب کیا گیا جس نے فوری طور پر کاروائی کرتے ہوئے بم کو ناکارہ بنا کر کئی قیمتی جانیں بچ لی جبکہ ریلوے لائن کو چیکنگ کرنے کے بعد ریلوے سروس مکمل طور پر بحال کردیا واضھ رہے کہ بلوچستان میں محکمہ بم ڈسپوزل کے عملے کی انتہائی کم تعداد ہونے والی وجہ سے خطر ناک بم کو ناکارہ بنانے کیلئے کئی کئی گھنٹے انتظار کرنا پڑا ہے عوامی سماجی سیاسی حلقوں نے مطالبہ کیا ہے کہ مچ سبی ڈیرہ مراد جمالی سمیت اہم شہروں میں بم ڈسپوزل کا عملے کی موجودگی کو یقینی بنایا جائے تاکہ ایسے واقعات میں فوری طور پر بم ڈسپوزل کے عملے کی موجودگی سے بروقت فائدہ اٹھایا جاسکے واضھ رہے کہ مچ میں ریلوے ٹریک پر بم رکھنے کے واقعہ کے بعد کوئٹہ سے ڈیرہ الہ یار تک ریلوے ٹریک ریلوے اسٹیشنوں سمیت قومی شاہراہ پر حفاظت اقدامات کرتے ہوئے سیکورٹی انتہائی سخت کردی گئی ہے ۔
