اسلام آباد(نیوز ڈیسک) یوحنا آباد خودکش حملوں کا ایک اور زخمی دم توڑ گیاجس کے بعد مرنے والوں کی تعداد اکیس ہو گئی ہیںہسپتال انتظامیہ کے مطابق چالیس سالہ نور دین کئی روز سے جنرل اسپتال میں زیر علاج تھا۔ دو روز قبل حالت بگڑنے پر اسے وینٹی لیٹر پر منتقل کیا گیا جہاں وہ زخموں کی تاب نہ لاتے ہوئے دم توڑ گیا۔ہسپتال انتظامیہ نے نور دین کی لاش پوسٹ مارٹم کیلئے جناح ہسپتال کےمردہ خانے میں منتقل کر دیا ہے۔ یوحنا آباد خود کش حملوں کے نتیجے میں ابتک اکیس افراد جان کی بازی ہار چکے ہیں تاہم ابھی بھی کئی زخمی ہسپتال میں زیر علاج ہیں۔