ڈھاکہ/نئی دہلی (آئی این پی)پاکستان کے ہاتھوں آ ئی سی سی چیمپینز ٹرافی کے فائنل میں ذلت آمیز شکست کے تیسرے روز بھی بھارت میں صف ماتم بچھا رہا جبکہ بھارتی کرکٹ ٹیم کے مداح بنگلہ دیشی شہری نے فائنل میچ میں پاکستان کے ہاتھوں شکست پر چلتی ٹرین کے سامنے کود کر خودکشی کر لی۔غیر ملکی خبررساں ادارے کے مطابق بھارتی کرکٹ ٹیم کے مداح بنگلہ دیشی شہری نے فائنل میچ میں پاکستان کے ہاتھوں شکست پر چلتی ٹرین کے سامنے کود کر جان دیدی۔ 25 سالہ بدیوت کا تعلق جمال پور سے تھا اور اس کے باپ کا نام

انیس الرحمان ہے جو پھل فروش ہے۔ بدیوت آئی سی سی چیمپینز ٹرافی کے فائنل میچ میں پاکستان کے ہاتھوں بھارت کی شکست پر دلبرداشتہ ہو گیا اور ٹرین کے سامنے کود کر موت کو گلے لگا لیا۔۔واضح رہے کہ آئی سی سی چیمپینز ٹرافی کے فائنل میچ میں پاکستان نے بھارت کو 180 رنز کی عبرتناک شکست سے دوچار کر کے ٹائٹل اپنے نام کیا جس کے بعد بھارت میں صف ماتم بچھا ہوا ہے جبکہ پاکستان میں جشن منایا جارہا ہے ۔تیسرے روز بھی بھارتی ٹی وی چینل اپنی کرکٹ ٹیم کی کارکردگی اور پاکستان سے شکست کا رونا روتے رہے ۔