اسلام آباد (مانیٹرنگ ڈیسک) چیمپیئن ٹرافی کے فائنل سے ایک روز قبل کرن مورے نے وائس آف امریکہ کے پروگرام میں شرکت کی جس میں وہ اپنے کیرئیر کے یادگار لمحات کے بارے میں بات کر رہے تھے، بھارتی کرکٹ ٹیم کے سابق وکٹ کیپر نے 1992ء کے ورلڈ کپ میں پاکستان کے سابق کرکٹر جاوید میانداد کے ساتھ پیش آنے والے ایک مشہور واقعہ کی اصل وجہ بتا دی، کرن مورے

نے گفتگو کے دوران جاوید میانداد کی چھلانگوں کا ذکرکیا ، جب ان سے پوچھا گیا کہ ورلڈ کپ 1992ء میں آپ نے جاوید میانداد سے ایسی کون سی بات کی تھی کہ وہ اپنی پریشانی دور کرنے کے لیے اچھلنے لگے تھے تو اس کے جواب میں کرن مورے نے کہا کہ میں نے جاویدمیانداد سے پوچھا تھا کہ اس وقت محترمہ گھر پر کیسی ہیں۔ یہ سوال تھا جس پر جاوید میانداد نے اچھلنا شروع کر دیا تھا۔