لندن(این این آئی) پاکستانی ٹیم کے کھلاڑی فخر زمان کے بھائی عارف زمان نے کہاہے کہ فخر کو کرکٹ کھیلنے پر باپ اور بڑے بھائیوں سے بڑی مار پرتی تھی ۔ ایک انٹرویو میں فخر زمان کے بھائی عارف زمان نے بتایا کہ فخر کو کرکٹ کھیلنے پر باپ اور بڑے بھائیوں سے بڑی مار پڑتی تھی تاہم وہ پھر بھی چھپ چھپ کر کرکٹ کھیلتے تھے۔فخر سے آٹھ سال بڑے بھائی عارف نے کہا کہ وہ کرکٹ کھیلنے جاتے تھے تو فخر ان

کے پیچھے پیچھے میدان میں آ جاتے تھے۔عارف نے پرانی یادوں کو تازہ کرتے ہوئے کہا کہ ان کے دوست فخر کی سفارش کرتے تھے کہ انھیں ضرور کھیلایا جائے اور بعض اوقات وہ تنِ تنہا ہی میچ جتوا دیتے تھے۔انھوں نے اپنے اولین فرسٹ کلاس میچ میں ملتان کے خلاف دونوں اننگز میں 79اور 83 رنز بنا ڈالے تاہم پھر انھوں نے کراچی چھوڑنے کا فیصلہ کر لیا۔سکول سے فارغ تحصیل ہو کر فخر پاکستان نیوی میں سیلر کی حیثیت سے بھرتی ہو گئے لیکن کرکٹ کے شوق نے انھیں وہاں بھی چین نہ لینے دیا۔انھوں نے کہا کہ بھارت کے خلاف فائنل دیکھنے کے لیے مردان کے قریب ان کے گاؤں کیتلان بازار میں گاؤں والوں نے مل کر میچ دیکھنے کیلئے خصوصی اہتمام کیاانھوں نے کہا کہ پورا گاؤں دعاگو ہے کہ فخر سمیت پاکستان کے تمام کھلاڑی اچھی کارکردگی کا مظاہرہ کریں اور میچ جیت کر قوم کو عید کا تحفہ دیں۔انہوں نے کہاکہ فخر فائنل میں بھی اپنی جارحانہ بیٹنگ کی کوشش کریں گے اور پاکستانی ٹیم ٹرافی لے کر ہی وطن واپس جائے گی۔