لاہور(آئی این پی) گلوبٹ نے پیپلزپارٹی کی خاتون رکن اسمبلی فائزہ ملک کے الزامات کی تردیدکرتے ہوئے کہا ہے کہ خاتون ایم پی اے سستی شہرت حاصل کرنے کے لیے اسکا نام اپنے ساتھ جوڑرہی ہیں ‘ فائزہ ملک کووہ نہ کبھی ملا ہے اورنہ ہی انکو جانتا ہے ، فائزہ ملک میری بہن ہیں اوروہ جان بوجھ کرمجھے میڈیامیں لیکرآناچاہتی ہیں۔میڈیا سے گفتگو میں گلوبٹ کا کہنا ہے
کہ اگرمیں نے دھمکیاں دی ہیں تواس نمبرکو چیک کروائین جس سے دھمکی آمیزکال موصول ہوئیں ،تھانے میں درخواست دیں اگر میں مجرم ثابت ہوا تو سزا کے لیے تیار ہوں جب سے میں جیل سے رہائی کے بعد واپس آیا ہوں تومیں موبائل استعمال نہیں کرتا اورصرف فیملی کے ساتھ ٹائم گزارتا ہوں اس طرح کی باتوں کی وجہ سے ڈرتامسجدمیں نمازبھی نہیں پڑھنے جاتا۔
