اسلام آباد (مانیٹرنگ ڈیسک) وزیراعظم نواز شریف کی جے آئی ٹی میں پیشی سے قبل قریبی ساتھیوں اور وزیراعلیٰ پنجاب شہباز شریف کیساتھ مشاورتی اجلاس۔ انصاف کے تقاضے پورے کرنے کا عزم۔ تفصیلات کے مطابق وزیراعظم نواز شریف کی زیر صدارت جے آئی ٹی میں پیشی سے قبل قریبی
ساتھیوں اور وزیراعلیٰ پنجاب شہباز شریف کیساتھ مشاورتی اجلاس کا انعقاد کیا گیا ہے۔ اجلاس میں وزیراعظم کا کہنا تھا کہ ہمیشہ خود کو احتساب کیلئے پیش کیا اور اس بار بھی انصاف کے تمام تقاضے پورے کرنے جا رہاہوں ۔ ان کا کہنا تھا کہ اس بار بھی ماضی کی طرح جے آئی ٹی میں بھی سرخرو ہوں گا۔
