اسلام آباد (آئی این پی) سینئر قانون دان بیرسٹراکرم شیخ نے کہا ہے کہ آئین کے تحت کوئی سیاسی جماعت غیر ملکیوں سے فنڈ نہیں لے سکتی جب کہ تحریک انصاف کو شکاگو سے بھارتی شہریوں نے بھی فنڈز دیئے ، یکم جون کو جمائما کا ریکارڈ ملنے کا ٹوئٹ آیا تھا جب چیک کرایا تو پتہ چلا کوئی ریکارڈ جمع نہیں کروایا گیا ۔

منگل کو نجی ٹی وی پروگرام میں گفتگو کرتے ہوئے بیرسٹر اکرم شیخ نے کہا کہ یکم جون کو جمائما کا ریکارڈ ملنے کا ٹوئٹ آیا تھا مگر جب چیک کروایا تو پتہ چلا کہ کوئی ریکارڈ جمع نہیں کروایا گیا ۔ نیازی سروسز کا ریکارڈ بھی ابھی تک عدالت میں جمع نہیں کروایا گیا ۔ ہر سیاسی جماعت اپنے اثاثے الیکشن کمیشن میں جمع کروانی کی پابند ہے ۔ انہوں نے کہا کہ آئین کے تحت کوئی سیاسی جماعت غیر ملکیوں سے فنڈ نہیں لے سکتی ۔شکاگو سے بھارتی شہریوں نے بھی پی ٹی آئی کو فنڈز دیئے ۔ جب کہ تحریک انصاف الیکشن کمیشن کے اختیارات پر مسلسل اعتراضات کر رہی ہے ۔

موضوعات:عمران خان