ڈونگہ بونگہ(این این آئی)امریکہ پلٹ نوجوان میا ں سلمان موہل نے آئندہ عام انتخابات میں صوبائی اسمبلی کے حلقہ پی پی 280سے الیکشن لڑنے کا اعلان کر دیا۔میاں سلمان موہل امریکہ کے اعلی تعلیم یافتہ نوجوان اور امریکن سول سروس میں عرصہ تقریباً 7 سال تک خدمات سر انجام دے چکے ہیں اور اس دوران انہیں امریکی حکومت کی جانب سے مختلف ایوارڈز سے بھی نوازا گیا۔

انہوں نے کہا کہ وہ نئی سوچ،نیاء مستقبل نئے منصوبے کا نعرہ بلند کرتے ہوئے حق سچ کی سیاست کرنے وطن واپس آئے ہیں اور یہی وجہ ہے کہ انہوں نے امریکن ویجیلس سول سروس کو خیر باد کیا۔میاں سلمان موہل کا کہنا تھا کہ نئی نوجوان نسل سابقہ دور کے لٹیروں اور نسل در نسل حکمرانی کرنیوالوں کو اٹھا کر باہر پھینکیں گے۔انہوں نے کہا کہ وہ آئندہ الیکشنوں میں صوبائی اسمبلی کے حلقہ پی پی280 سے الیکشن لڑیں گے اور انشاء اللہ منتخب ہونے کے بعد علاقے کے مسائل کے حل کیلئے سر توڑ کو شش کرینگے۔انہوں نے کہا کہ ان کے حلقہ میں میں بے پناہ مسائل ہیں عملی اقدامات کے ذریعے ثابت کرونگا کہ میری زندگی کا مقصد عوامی خدمت اور مسائل کا حل ہے۔ عوام کی خدمت اور انکے مسائل کا حل ہی انکی اولین ترجیح ہو گی اور وہ عوا م کے اعتماد کو ٹھیس نہیں پہنچائیں گے۔ماضی میں عوام کو مایوسی کے سوا کچھ نہیں دیا گیا علاقے کے لوگ آج بھی مسائل کے حل کیلئے دربدر ٹھوکریں کھا رہے ہیں۔ میں حلقہ کے عوام کی آواز بنوں گا اور انکے مسائل کے حل کرنے اور علاقے کی تعمیرو ترقی کے لیئے اپنا بھر پور کر دار ادا کرونگا۔ اب عوام جاگ چکے ہیں اور ان آزمائے ہوئے امیدواروں کے جال میں نہیں آئیں گے جنہوں نے گذشتہ 30سالوں سے علاقے میں کوئی بھی ترقیاتی کام نہیں کیا عوام مفاد پرست سیاست اور قیادت سے جان چھڑائیں تا کہ حلقے میں بہتری آسکے ۔