اسلام آباد(مانیٹرنگ ڈیسک) بی ایس ایف کی میٹنگ کے دوران غیر اخلاقی ویڈیو کلپ چلتا رہا، بھارتی فوجی افسران بدحواس۔ بھارتی میڈیا رپورٹس کے مطابق ’’سرحد کو محفوظ بنانے‘‘کے موضوع پر بھارتی بارڈر فورس کی ایک میٹنگ بی ایس ایف 77ڈویژن ہیڈکوارٹر میں منعقد ہوئی جس میں ایک فوجی افسر نے بریفنگ دینا تھی، فوجی افسر نے لیپ ٹاپ کے ساتھ منسلک پروجیکٹر کے ذریعے بنائے پیکیج کو دیگر افسران کو دکھا کر پریزنٹیشن دینا تھی مگر اچانک اس فوجی افسر کے
لیپ ٹاپ میں موجود بریفنگ کے مواد کی جگہ اخلاق باختہ ویڈیو کلپ چل گیا۔ کلپ تقریباََ 2منٹ تک چلتا رہا جبکہ فوجی افسران اس دوران غیر متوقع طورپر اخلاق باختہ ویڈیو کلپ چلنے پر بدحواسی کا شکار ہو گئے اور انہیں پروجیکٹر یا لیپ ٹاپ بند کرنا یاد ہی نہیں رہا۔ واضح رہے کہ کچھ عرصہ قبل دہلی میٹرو اسٹیشن پر لگی سکرینوں پر بھی اخلاق باختہ ویڈیو چلائے جانے کا واقعہ پیش آچکا ہے جبکہ بھارتی سیاستدان اسمبلی اجلاس میں اخلاق باختہ ویڈیوز دیکھتے پکڑے جا چکے ہیں۔