اسلام آباد(مانیٹرنگ ڈیسک) عرب میڈیا ہائوس ’’الحدود‘‘ کے مطابق معروف سعودی عالم دین شیخ مفتی جمعان الضب نے فتویٰ جاری کیا ہے کہ اس سال چونکہ قطر اور اس کے رہائشی سعودی عرب کی اطاعت سے باہر ہوئے ہیں اور سعودی عرب ان سے راضی نہیں اسلئے ان کے روزے قبول نہیں ہوںگے۔ قطر کو راہ راست پر آنے کیلئے سعودی عرب سے معافی مانگنا ہوگی۔
عالم دین مفتی جمعان الضب نے کہا کہ اس سال کیلئے قطری روزے کی حالت باطل اور غیر متعلقہ ہے۔ سعودی عالم دین نے اس بات پر زور دیا کہ اگر قطری اپنے روزے اور عبادات کو ضائع ہونے سے بچانا چاہتے ہیں تو وہ توبہ کرتے ہوئےسعودی عرب سے معافی مانگ لیں، سعودی عرب بہت رحمدل ہے اور انہیں معاف کر دے گا ، لیکن انہیں(قطریوں) کو معافی کی اسناد پیش کرنی ہوگی اور یہ بتاناہوگا کہ وہ اب دہشتگردوں کے ساتھ نہیں وگرنہ دوسری صورت میں قطریوں کیلئے دردناک عذاب ہے۔
