آستانہ(مانیٹرنگ ڈ یسک)وزیراعظم محمدنوازشریف اور روسی صدرولادی میرپیوٹن کے درمیان ملاقات ہوئی ہے،جس میں معاشی اور سکیورٹی تعاون کے حوالے سے تبادلہ خیال کیاگیا۔ میڈیارپورٹس کے مطابق آستانہ میں وزیراعظم نوازشریف اور روسی صدرکے درمیان ملاقات ایس سی اوسربراہ کانفرنس کے موقعہ پرہوئی۔ روسی صدر نے وزیراعظم نوازشریف کا گرمجوشی کیساتھ استقبال کیا۔روسی صدر نے وزیراعظم نوازشریف کو ہرقسم کے تعاون کی یقین دہانی کروائی۔
ملاقات میں روسی صدرنے پاکستان کوشنگھائی تنظیم کامستقل رکن بننے پرمبارکبادبھی پیش کی۔ملاقات میں دونوں ممالک کے درمیان معاشی اورسکیورٹی تعاون کوفروغ دینے سمیت خطے کی صورتحال پربھی تبادل خیال کیاگیا۔ روسی صدرنے دہشتگردی کے خاتمے کیلئے پاکستان کی قربانیوں اور کاوشوں کی تعریف بھی کی۔ روسی صدر نے کہا کہ خطے میں دہشتگردی کیخلاف پاکستان کاکرداراہم ہے۔روس خطے میں پاکستان کودرپیش چیلنجزکے حل میں مثبت کردار ادا کرے گا۔
