اسلام آباد(مانیٹرنگ ڈیسک) عراق کے شہر کربلا میں خود کش بم دھماکہ، 20افراد ہلاک متعدد زخمی، ہلاکتوں میں اضافہ کا خدشہ، داعش نے واقعہ کی ذمہ داری قبول کر لی۔تفصیلات کے مطابق عراق کے شہر کربلا میں ایک خودکش بم دھماکے کے نتیجے میں 20افراد ہلاک اور متعدد زخمی ہو گئے ہیں۔ غیر ملکی میڈیا رپورٹس کے مطابق خودکش دھماکہ کربلا کے مضافاتی علاقے

مصیب کی ایک مصروف مارکیٹ میں اس وقت کیا گیا جب بڑی تعداد میں نمازی نماز جمعہ سے قبل خریداری میں مصروف تھے۔۔ دھماکے کے بعد امدادی کارکنوں نے زخمیوں اور لاشوں کو ہسپتال منتقل کر دیا ہے۔ واقعہ کی ذمہ داری داعش نے قبول کی ہے۔ ہسپتال ذرائع کے مطابق متعدد زخمیوں کی حالت انتہائی تشویشناک ہے جس کے باعث ہلاکتوں میں اضافے کا خدشہ بھی ہے۔