انقرہ (مانیٹرنگ ڈیسک)سعود ی عرب اوردیگرخلیجی ممالک کے قطرکے ساتھ تعلقات منقطع ہونے پرترکی نے قطرمیں اپنی فوج تعینات کرنے کافیصلہ کرلیاہے اوراس حوالے سے فوج کی تعیناتی کےلئے تیاریاں تیزکردی گئی ہیں ۔تفصیلا ت کے مطابق قطر اور خلیجی ممالک کے درمیان پیدا ہونے والے کشیدہ تعلقات کے بعد ترکی نے قطر میں فوج تعینات کرنے کی تیاریاں تیز کر دی ہیںاورفوج کوقطرمیں تعینات
کرنے کےلئے پارلیمان سے منظوری بدھ کے روزہی لئے جانے کاامکان ہے اورپارلیمان کی منظوری کے بعد ترکی اپنی فوج کوقطرمیں تعینات کردے گاکیونکہ قطرنے ترکی سے دفاع کے میدان میں کئی معاہدے بھی کررکھے ہیں جن کی روسے ترک پارلیمان فوج کی تعیناتی کی منظوری دے دے گی ۔یادرہے کہ خلیجی ممالک ترکی کے اس کردارسے خوش نہیں ہیں جن میں قابل ذکرمتحدہ عرب امارات ہے کیونکہ گزشتہ سال ترکی میں ہونے والی فوجی بغاوت کاالزام بھی ترکی نے اماراتی حکومت پرلگایاتھااورترک حکومت کاکہناتھاکہ اس بغاوت میں متحدہ عرب امارات کابھی ہاتھ تھاجس کے شواہد ترکی کوملے تھے اوراس کے بعد دونوں ممالک کے درمیان تعلقات خوشگوارنہیں ہیں ۔ترک فوج کی قطرمیں تعیناتی کے حوالے سے دفاعی تجزیہ کاروں کاکہناہے کہ قطرکے خلاف اگرکسی خلیجی ملک نے جارحیت کی کوشش کی توترکی قطرکادفاع کرے گااورجارحیت کرنے والی ریاست کوبڑے نقصان کاسامناکرناپڑے گاکیونکہ کوئی بھی خلیجی ریاست ماسوائے ایران کے ترکی کی طرح متحرک اوربڑی فوج نہیں رکھتی ہے جبکہ ایران بھی اس وقت دیگرخلیجی ممالک کے مدمقابل ایران قطرکے ساتھ ہے ۔
