برمنگھم(مانیٹرنگ ڈیسک) چیمپئنز ٹرافی میں جنوبی افریقہ نے پاکستان کے خلاف پہلے بیٹنگ کرتے ہوئے219 رنزبنائے اورپاکستان کو 220رنزکاٹارگٹ دیاہے ،تفصیلات کے مطابق جنوبی افریقہ کے کپتان ڈویلیرز نے ٹاس جیت کر پاکستان کیخلاف پہلے بیٹنگ کرنے کا فیصلہ کیا۔ جنوبی افریقہ کی طرف سے کونٹین ڈی کوک اور ہاشم آملہ نے اوپننگ کی ۔ دونوں بلے بازوں نے ٹیم کے سکور کو آگے بڑھایاپائے

لیکن جب جنوبی افریقہ کاسکور40رنزپرپہنچاتوہاشم آملہ 16رنزبنائے اوران کوعمادوسیم نے ایل بی ڈبلیوکردیا،60رنزپرجنوبی افریقہ کی دوسری وکٹ گرگئی جب ڈی کوک نے 33 رنز بنائےاور ان کی وکٹ محمد حفیظ نے لی۔ کپتان اے بی ڈی ویلیرز صفررنزپرآئوٹ ہوگئے۔ محمد حفیظ کی گیند پر عماد وسیم نے ان کا آسان کیچ لیا۔ جنوبی افریقا کی چوتھی وکٹ 90 کے سکور پر گری جب حسن علی نے فاف ڈو پلیسی کو بولڈ کر کے چلتا کیا۔ ڈو پلیسی نے 26 رنز بنائے۔ جنوبی افریقا کی ٹیم کو پانچواں نقصان 118 کے سکور پر ہوا تو ڈومینی کیچ آؤٹ ہو گئے۔ جین پال ڈومینی نے صرف 8 رنز بنائےاس کے بعد وائن پارنل کو بھی بولڈبھی جلدہی کلین بولڈہوگئے۔ میچ نے اس وقت دلچسپ صورتحال اختیار کر لی جب ڈیوڈ ملر پاکستانی فاسٹ باؤلر محمد عامر کے یارکر کا سامنا نہ کر سکے اور گر پڑے۔ پاکستانی کھلاڑیوں کی اپیل پر ایمپائر نے انھیں آؤٹ دیدیا تاہم ریویو سے پتہ چلا کہ گیند باہر نکل رہی تھی جس کی وجہ سے ایمپائر کو اپنا فیصلہ واپس لینا پڑا۔ اس کے بعد جنید خان کے اوور میں کرس مورس بولڈ ہو گئے لیکن نو بال ہونے کی وجہ سے وہ ناٹ آئوٹ قرارپائے۔ لیکن اگلے ہی اوور میں کرس مورس آئوٹ ہوگئے ۔اس میچ میں جنوبی افریقہ کی ٹیم میں کوئی تبدیلی نہیں کی گئی ہے جبکہ دوسری جانب پاکستانی ٹیم میں دو تبدیلیاں کرتے ہوئے وہاب ریاض

اور احمد شہزاد کی جگہ جنید خان اور فخر زمان کو شامل کیا گیا ہے۔واضح رہے کہ آئی سی سی چیمپیئز ٹرافی میں اب تک کھیلے گئے میچوں میں انگلینڈ نے اپنے دونوں میچوں میں کامیابی کے بعد سیمی فائنل میں جگہ بنا لی ہے۔ پاکستان کو ٹورنامنٹ میں رہنے کیلئے جنوبی افریقہ سے میچ جتناضروری ہے ۔