کارڈف (مانیٹرنگ ڈیسک) چیمپئنز ٹرافی کے میزبان انگلینڈنے سیمی فائنل کے لئے کوالیفائی کرلیاہے تفصیلات کے مطابق انگلینڈ نے نیوزی لینڈکو 87رنزسے شکست دے کر چیمپئنز ٹرافی کے سیمی فائنل کےلئے کوالیفائی کرلیا۔چیمپئنز ٹرافی کےایک اہم میچ میں انگلینڈ نے نیوزی لینڈ کو 87 رنز سے شکست دیدی، کیویز 311 رنز کے جواب میں 223 رنز پر ڈھیر ہوگئےجبکہ انگلینڈنے ٹورنامنٹ میں 2 میچز جیت کر سیمی فائنل تک رسائی حاصل کرلی۔
انگلینڈ نے نیوزی لینڈ کو جیت کیلئے 311 رنز کا ہدف دیا تاہم کیویز کی پوری ٹیم 44.3 اوورز میں 223 رنز پر ڈھیر ہوگئی۔نیوزی لینڈکی جانب سے کپتان کین ولیمسن نے 87 رنز کی ذمہ دارا اننگز کھیلی، ان کے سوا کوئی بھی بیٹسمین جم کر انگلش بولرز کا مقابلہ نہ کرسکا، روز ٹیلر 39 اور مارٹن گپٹل 27 رنز تک محدود رہےجبکہ انگلینڈ کی جانب سے لیام پلنکٹ نے 4، جیک بال اور عادل راشد نے 2، 2 کھلاڑیوں کو آؤٹ کیا،جیک بال کو میچ کا بہترین کھلاڑی قرار دیا گیا۔
