برمنگھم (مانیٹرنگ ڈیسک) چیمپیئنز ٹرافی میں بھارت کے خلاف پہلے میچ میں انجری کا شکارفاسٹ بائولروہاب ریاض کوایونٹ سے باہرکردیاگیاہے ۔تفصیلات کے مطابق وہاب ریاض بھارت کے خلاف بائولنگ کراتے ہوئے گرپڑے تھے اوراس میچ میں دوبارہ بائولنگ کے قابل نہ رہے ۔انہیں گرائونڈسے ہی فوری پرہسپتال منتقل کیاگیاجس پرڈاکٹرزنے ان کوابتدائی طبی امدادفراہم کی جس کے بعد ڈاکٹرزنے وہاب ریاض

کوفٹ ہونے کےلئے ایک سے دوہفتے مکمل آرام کامشورہ دیاجس کے پیش نظرپی سی بی انتظامیہ نے بتایاکہ ڈاکٹرزنے وہاب ریاض کوان فٹ قراردے دیاہے اس لئے وہ چیمپیئنز ٹرافی کے باقی میچ نہیں کھیل سکتے ۔واضح رہے کہ گزشتہ روز بھارت کے خلاف وہاب ریاض پاکستان کے مہنگے ترین بائولرثابت ہوئے تھے اورانہوں نے 30گیندوں پر87رنزدیئے تھے ۔ چیمپیئنز ٹرافی کےلئے پاکستانی انتظامیہ اب آئی سی سی سے کسی متباد ل کھلاڑی کےلئے درخواست نہیں کرے گی جبکہ اگرضرورت پڑی تووہاب ریاض کی جگہ محمدعباس کوممکنہ طورپران کی جگہ کھیلایاجائے گا۔نجی ٹی وی کے ذرائع کے مطابق وہاب ریاض کوپاکستان واپس جانے کاکہہ دیاگیاہے تاکہ وہ فٹ ہونے کےلئے مکمل آرام کرسکیں ۔جبکہ قومی ٹیم کے کوچ مکی آرتھرنے کہاہے کہ محمدعامرکاپٹھہ کھچ گیاہے جس کی وجہ سے وہ ابتدائی میچ نہیں کھیل سکیں گے اورمحمدعامرکوآئندہ میچ میں کھیلانے کےلئے میڈیکل ٹیم سے بات کریں گے ۔اگرمحمدعامرفٹ ہوئے توپھران کواگلے میچ میں کھیلانے کافیصلہ کیاجائے گا۔۔پاکستان کی کارکردگی کو مایوس کن قرار دیتے ہوئے انھوں نے کہا کہ ہم بدقسمتی سے بنیادی چیزیں ہی درست نہیں کر پائے۔یہاں انھوں نے کیچ ڈراپ ہونے کا ذکر بھی کیا۔ انھوں نے کہا کہ وکٹوں کے درمیان دوڑنا اور کیپر کو تھرو پھینکا ایسی ہی بنیادی چیزیں ہیں جو ٹیم درست طریقے سے نہیں کر پائی۔