برمنگھم (مانیٹرنگ ڈیسک)برمنگھم میں بھارت کے ہاتھوں پاکستانی ٹیم کی شکست کے بعد پاکستانی ٹیم کے ہیڈکوچ مکی آرتھربھی صفائیاں پیش کرنےکےلئے میدان میں آگئے ہیں جبکہ کپتان سرفرازاحمد نے کہاہے کہ آئند ہ میچوں میں کم بیک کرنے کی کوشش کریں گے ۔تفصیلات کے مطابق مکی آرتھرکے مطابق بھارت کے خلاف وہاب ریاض کواس لئے کھیلایاگیاکیونکہ حسن علی اورجنیدخان کی بائولنگ کامعیارایک جیساہے ۔
انہوں نے کہاکہ بھارت کے خلاف میچ کےلئے بنائے گئے پلان پرعمل نہ کرنے سے پہلے ہی میچ میں قومی ٹیم کوشکست ہوئی ۔انہوں نے کہاکہ بھارتی ٹیم نے ہرشعبے میں بہترین کھیل کامظاہرہ کیا،انہوں نے ٹیم کی کارکردگی کے حوالے سے بتایاکہ بھارت کے خلاف میچ سے ہمیں اندازہ ہواکہ ہم ایک روزہ میچوں کی کرکٹ میں کہاں کھڑے ہیں لیکن کم بیک کی کوشش کرینگے ،انہوںنے کہاکہ میچ کے دوران کھلاڑیوں نے بڑی غلطیاں کیں کئی اہم کیچ بھی ڈراپ کئے جبکہ بیٹنگ لائن بھی فلاپ رہی ،جس کی وجہ سے بھارت کواس میچ میں کامیابی حاصل ہوئی ۔واضح رہے کہ بھارت کےخلاف وہا ب ریاض نے صرف 30گیندوں پر87رنزدیئے لیکن کوئی کھلاڑی بھی آوٹ نہ کرسکے اوریہ ان کابھارت کے خلاف بائولنگ کاایک بدترین ریکارڈبھی بن گیاہے جبکہ دوسری طرف میڈیااورسوشل میڈیاپربی سی پی پران کومیچ میں کھیلانے پرشدیدتنقید کی جارہی ہے ۔آئی سی سی چیمپئنزٹرافی کے اہم میچ میں بھارت نے پاکستان کو124رنزسے شکست دے دی،پاکستان کیلئے بارش کے باعث ڈک ورتھ لوئس فارمولے کے باعث دومرتبہ ٹارگٹ تبدیل کرناپڑا، آئی سی سی چیمپیئنز ٹرافی کے چوتھے میچ میں ڈک ورتھ لوئس قانون کے تحت پاکستان کوپہلی مرتبہ48اووروں میں324رنزہدف ملاتاہم پاکستانی اننگزکے دوران بارش ہونے پریہ ہدف تبدیل کرکے41اووروں میں289رنزکردیاگیا
