ﻋﺮﺏ ﮐﮯ ﺻﺤﺮﺍ ﻣﯿﮟ ﺭﯾﺖ ﮐﮯ ﮨﻠﮑﮯ ﭘﮭﻠﮑﮯ ﻃﻮﻓﺎﻧﻮﮞ ﮐﯽ ﺑﺪﻭﻟﺖ ﻭﮨﺎﮞ ﮐﮯ ﻋﯿﻨﮑﯿﮟ ﺍﺳﺘﻌﻤﺎﻝ ﮐﺮﺗﮯ ﮨﯿﮟ، ﻟﯿﮑﻦ ﭘﺮﺍﻧﮯ ﺯﻣﺎﻧﮯ ﮐﮯ ﻟﻮﮒ ﻣﻨﮧ ﭘﺮ ﺍﯾﮏ ﮐﭙﮍﺍ ﺍﻭﮌﮬﺎ ﺩﯾﺘﮯ ﺗﮭﮯ ﺗﺎﮐﮧ ﺭﯾﺖ ﺁﻧﮑﮭﻮﮞ ﻣﯿﮟ ﻧﮧ ﺟﺎﺳﮑﮯ۔ ﺍﯾﮏ ﺍﺳﺪ ﻧﺎﻣﯽ ﺷﺨﺺ ﺍﭘﻨﮯ ﮔﮭﻮﮌﮮ ﭘﺮ ﺳﻮﺍﺭ ﻣﻨﮧ ﭘﺮ ﮐﭙﮍﺍ ﺍﻭﮌﮬﮯ ﮐﮩﯿﮟ ﺟﺎ ﺭﮨﺎ ﺗﮭﺎ
ﮐﮧ ﺭﺍﺳﺘﮯ ﻣﯿﮟ ﺍﺱ ﮐﯽ ﻣﻼﻗﺎﺕ ﺍﯾﮏ ﺍﻭﺭ ﮐﭙﮍﺍ ﺍﻭﮌﮬﮯ ﺷﺨﺺ ﺳﮯ ﮨﻮﺋﯽ۔ ﻧﺌﮯ ﻣﻠﻨﮯ ﻭﺍﻟﮯ ﺷﺨﺺ ﻧﮯ ﺍﺱ ﮐﮯ ﺳﺎتھ ﺑﺎﺗﯿﮟ ﮐﺮﻧﯽ ﺷﺮﻭﻉ ﮐﺮﺩﯾﮟ ﺍﻭﺭ ﮐﭙﮍﮮ ﮐﯽ ﺑﺪﻭﻟﺖ ﻭﮦ ﺩﻭﻧﻮﮞ ﺍﯾﮏ ﺩﻭﺳﺮﮮ ﮐﯽ ﺷﮑﻞ ﻧﮧ ﺩیکھ ﭘﺎﺋﮯ۔ ﺍﺱ ﺩﻭﺭﺍﻥ ﻧﺌﮯ ﺷﺨﺺ ﻧﮯ ﭘﻮﭼﮭﺎ، ” ﺣﺠﺎﺝ ﺑﻦ ﯾﻮﺳﻒ ﮐﮯ ﻣﺘﻌﻠﻖ ﺗﻤﮩﺎﺭﺍ ﺧﯿﺎﻝ ﮨﮯ؟ “ﺍﺳﺪ ﻧﮯ ﺟﻮﺍﺏ ﺩﯾﺎ، ” ﺍﯾﮏ ﻧﻤﺒﺮ ﮐﺎ ﻇﺎﻟﻢ ﺟﺎﺑﺮ ﺷﺨﺺ ﮨﮯ، ﺍﺱ ﭘﺮ ﺍﻟﻠﮧ ﮐﯽ ﻟﻌﻨﺖ ﭘﮍﮮ۔ “ﻧﺌﮯ ﺷﺨﺺ ﻧﮯ ﮐﮩﺎ ” ﺗﻢ ﺧﻠﯿﻔﮧ ﺳﮯ ﺍﺱ ﮐﯽ ﺷﮑﺎﯾﺖ ﮐﯿﻮﮞ ﻧﮩﯿﮟ ﮐﺮﺗﮯ؟ “ﺍﺳﺪ ﻧﮯ ﺟﻮﺍﺏ ﺩﯾﺎ، ” ﺍﺱ ﺳﮯ ﮐﯿﺎ ﺷﮑﺎﯾﺖ ﮐﺮﯾﮟ ﻭﮦ ﺗﻮ ﺣﺠﺎﺝ ﮐﺎ ﺑﮭﯽ ﺑﺎﭖ ﮨﮯ، ﺍﻟﻠﮧ ﺍﻥ ﺩﻭﻧﻮﮞ ﮐﻮ ﻏﺮﻕ ﮐﺮﮮ۔ “ﺭﺍﺳﺘﮯ ﻣﯿﮟ ﺍﯾﮏ ﭼﻮﮐﯽ ﺁﺋﯽ ﺗﻮ ﻧﯿﺎ ﺷﺨﺺ ﺍﺱ ﻃﺮﻑ ﻣﮍﺍ ﺍﻭﺭ ﺳﭙﺎﮨﯿﻮﮞ ﺳﮯ ﮐﮩﺎ ﮐﮧ ﺍﺳﺪ ﮐﻮ ﺳﺎتھ ﻟﯿﮑﺮ ﻣﯿﺮﮮ ﺳﺎﻣﻨﮯ ﭘﯿﺶ ﮐﺮﺩﻭ۔ “ﺟﻮﮞ ﮨﯽ ﺳﭙﺎﮨﯽ ﺍﺳﺪ ﮐﮯ ﺍﺭﺩ ﮔﺮﺩ ﮨﻮﺋﮯ ﺗﻮ ﺍﺱ ﮐﺎ ﻣﺎﺗﮭﺎ ﭨﮭﻨﮑﺎ ﺍﻭﺭ ﺍﺱ ﻧﮯ ﺳﭙﺎﮨﯿﻮﮞ ﺳﮯ ﭘﻮﭼﮭﺎ ﮐﮧ ﯾﮧ ﮐﻮﻥ ﺷﺨﺺ ﺗﮭﺎ؟ ﺳﭙﺎﮨﯿﻮﮞ ﻧﮯ ﺟﻮﺍﺏ ﺩﯾﺎ ﮐﮧ ﯾﮧ ﺣﺠﺎﺝ ﺑﻦ ﯾﻮﺳﻒ ﮨﮯ۔ ﺍﺳﺪ ﻧﮯ ﺟﺐ ﯾﮧ ﺳﻨﺎ ﺗﻮ ﺑﻮﻻ ﺳﺘﯿﺎﻧﺎﺱ ﮨﻮ ﻣﯿﺮﺍ ﯾﮧ ﻣﯿﮟ ﻧﮯ ﮐﯿﺎ ﮐﮩﮧ ﺩﯾﺎ، ﺍﻭﺭ ﮔﮭﻮﮌﮮ ﮐﻮ ﺍﯾﮍ ﻟﮕﺎ ﮐﺮ ﺣﺠﺎﺝ ﮐﮯ ﭘﺎﺱ ﭘﮩﻨﭽﺎ ﺍﻭﺭ ﺑﻮﻻ، ” ﺩﻭﺳﺖ ﻣﯿﺮﯼ ﺑﺎﺕ ﺳﻨﻨﺎ۔ “ﺣﺠﺎﺝ ﻧﮯ ﮐﮩﺎ، ” ﮐﮩﻮ ﮐﯿﺎ ﮐﮩﺘﮯ ﮨﻮ؟ “ﺍﺳﺪ ﺑﻮﻻ، ” ﺑﮭﺎﺋﯽ ﮨﻤﺎﺭﮮ ﺩﺭﻣﯿﺎﻥ ﺟﻮ ﺑﺎﺗﯿﮟ ﮨﻮﺋﯿﮟ ﺍﻧﮩﯿﮟ ﺧﻮﺩ ﺗﮏ ﺭﮐﮭﻨﺎ۔ “ﯾﮧ ﺳﻦ ﮐﺮ ﺣﺠﺎﺝ ﮐﯽ ﮨﻨﺴﯽ ﭼﮭﻮﭦ ﮔﺌﯽ ﺍﻭﺭ ﺳﭙﺎﮨﯿﻮﮞ ﺳﮯ ﮐﮩﺎ ﺍﺳﮯ ﺟﺎﻧﮯ ﺩﻭ۔
