نئی دہلی(مانیٹرنگ ڈیسک)دنیا کے طاقتور ترین شخص اور روسی صدر پیوٹن نے پاکستان کیلئے بھارت کو کھری کھری سنا دیں۔ تفصیلات کے مطابق روسی صدر ولادیمیر پیوٹن نے پاکستان کا دفاع کرتے ہوئے کہا ہے کہ ملکی صورتحال مستحکم کرنے کے لامحدود اقدامات کررہاہے،یہ طے کرنا بھارت کا کام نہیں کہ پاکستان دہشتگردی بڑھا رہا ہے یا نہیں، دہشتگردی جہاں بھی ہو انتہائی قابل مذمت ہے ،روس کے پاکستان سے تعلقات بھارت سے تجارت پراثرانداز نہیں ہونگے ۔

بھارتی خبرایجنسی کو دوران انٹرویو مقبوضہ کشمیر میں پاکستان پر دہشت گردی کے بھارتی الزام پر ٹکا سا جواب دیتے ہوئے روسی صدر ولادی میر پیوٹن نے کہا کہ دہشتگردی کے خلاف جنگ میں بھارت کی حمایت کرتے ہیں ، دہشتگردی جہاں سے بھی ہوناقابل قبول ہے ، ہمارے پاکستان سے بہت مضبوط فوجی تعلقات نہیں تو کیا بھارت کے امریکاسے ہیں؟ بھارتی ایجنسی نے سوال کیا کہ کیا مقبوضہ کشمیر میں پاکستان دہشت گردی کوہوادے رہاہے؟ جس پر روسی صدر نے جواب دیا پاکستان ملکی صورتحال مستحکم کرنے کے لامحدود اقدامات کررہاہے،یہ آپ نے طے نہیں کرنا کہ وہ دہشتگردی بڑھا رہا ہے۔