پٹھانکوٹ(آئی این پی)بھارتی پنجاب کے علاقے پٹھانکوٹ میں فوجی اڈے سے مشکو ک بیگ ملنے پر بھارتی فوج میں کھلبلی مچ گئی ،علاقے میں ہائی الرٹ کردیا گیا ۔بھارتی میڈیا کے مطابق مامون فوجی سٹیشن کے قریب ایک مشکوک بیگ ملنے سے بھارتی فوج میں کھلبلی مچ گئی جس کے بعد پٹھانکوٹ کے علاقے میں ہائی الرٹ کر دیا گیا ۔مشکوک بیگ ملنے کے بعد علاقے میں سرچ آپریشن شروع کر دیا گیا سرچ آپریشن میں بھارتی فوجی اور کمانڈوز

شامل ہیں ۔عہدیداروں کے مطابق آپریشن کے دوران مشکوک بیگ سے دو موبائل ٹاور کی بیٹریاں اور فوجی وردیاں بھی برآمد ہوئی ہیں ۔یہ معلوم نہیں ہوسکا کہ یہ فوجی وردیاں کن فوجیوں کی ہیں، فوجی اڈے پر شدید خوف و ہراس کا ماحول ہے ،بھارتی میڈیا کے مطابق متعدد بھارتی فوجیوں کے لاپتہ ہونے کی بھی ا طلاعات ہیں اس بات کی تصدیق نہیں کی جاسکی کہ وہ فوجی خود کہیں نکل پڑے ہیں یا پھر کسی حادثے کا شکار ہوئے ہیں۔