اسلام آباد(مانیٹرنگ ڈیسک) نجی ٹی وی پروگرام میں گفتگو کرتے ہوئے سینئر تجزیہ نگار و سکالر اوریا مقبول جان نے کہا ہے کہ “ایران اور سعودی عرب دونوں مسلم امّت کے نمائندے نہیں ہیں ، ہم بار بار کہ رہے ہیں ، دونوں غاصب حکمران ہیں جو امّت کو لڑا رہے ہیں ، اور امّت کا بیوقوف مولوی سنی کو کہتا ہے تم حرم کی حفاظت کے لئے جاؤ اور شیعہ کو کہتا ہے تم مقاماتِ مقدسہ ،
حضرت زینب ؓکے روضے کی حفاظت کیلئے جاؤ ، یہ جنگ دو غاصب حکمرانوں کے درمیان ہے جو فساد پھیلانا چاہتے ہیں ” ~ اوریا مقبول جان کا کہنا تھا کہ ان دو ممالک کی وجہ سے زمین پر بڑا فساد ہوگا۔ اتنی لاشیں بچھیں گیں کہ پرندوں کو بھی زمین پر اترنے کی جگہ نہیں ملے گی اور یہ حضور اکرم ﷺ کی حدیث ہے۔
