ملتان(آئی این پی)دہشت گردی کیخلاف مسلم ممالک کے اتحاد کی خوشی میں ملتان میں مسلم لیگ(ن) کے رہنماشیخ ندیم اکبرکی قیادت میں کارکنوں نے اشرف آباد میں ریلی نکالی،جشن منایا اور مٹھائی تقسیم کی گئی۔اس موقع پرلیگی کارکنوں نے وزیراعظم میاں نوازشریف اور جنرل(ر)راحیل شریف کے حق میں زبردست نعرہ بازی کی۔ریلی کے شرکاء سے خطاب کرتے ہوئے مقررین لیگی رہنما شیخ ندیم اکبر،شیخ عبیدالرحمن ودیگر کا کہنا تھا
کہ وزیراعظم میاں نوازشریف اور اسلامی ممالک کے اتحاد کے فوجی سربراہ جنرل راحیل شریف کی کوششوں سے مسلم ممالک دہشت گردی کیخلاف متحد ہوگئے ہیں۔دہشت گردی سب کیلئے مشترکہ خطرہ ہے ،سعودی عرب میں ہونے والی اسلامی ممالک کے سرابراہان کی کانفرنس سے دنیا میں امن اور محبت کا پیغام گیاہے ،انہوں نے کہا کہ اسلام امن کا دین ہے ۔اسلامی ممالک کا دہشت گردی کیخلاف متحد ہونا خوش آئند ہے۔
