ریاض ( آئی این پی ) عرب امریکہ اسلامی سربراہی کانفرنس ،ٹرمپ کی موجودگی میں بھی راحیل شریف چھاگئے، سعودی عرب کے دارالحکومت ریاض میں عرب امریکہ اسلامی سربراہی کانفرنس کے موقع پر امریکی صدر ڈونلڈ ٹرمپ کی موجودگی میں بھی سابق آرمی چیف اور اسلامی ممالک کے فوجی اتحاد کے سربراہ جنرل (ر) راحیل شریف خصوصی توجہ کا مرکز بنے رہے ۔
تفصیلات کے مطابق اتوار کو سعودی عرب کے دارالحکومت ریاض میں ہونے والی عرب امریکہ اسلامی سربراہی کانفرنس جس میں امریکی صدر ڈونلڈ ٹرمپ اور وزیر اعظم نواز شریف سمیت 50 سے زائد عرب اور مسلم ممالک کے سربراہان نے شرکت کی ۔ اس دوران سابق آرمی چیف اور اسلامی ممالک کے فوجی اتحادکے سربراہ جنرل (ر) راحیل شریف خصوصی توجہ کا مرکز بنے رہے ۔ کانفرنس کے دوران سربراہان مملکت نے دہشت گردی اور انتہا پسندی سمیت دیگر معاملات پر اظہار خیال کیا۔
