ریاض(آئی این پی)سابق امریکی صدر براک اوباما کی اہلیہ پر تنقید کرنے والے صدر ڈونلڈ ٹرمپ خود بے نقاب ہوگئے ،دورہ سعودی عرب میں مسز ٹرمپ اور ایوانکا نے سر پر سکارف نہیں پہنے جبکہ ڈونلڈ ٹرمپ نے اس وقت سابق خاتونِ اول مشیل اوباماکودورہ سعودی عرب پر سکارف نہ پہننے پر ٹویٹ کرکے تنقید کا نشانہ بنایا گیا ۔غیر ملکی میڈیا کے مطابق سابق امریکی صدر براک اوباما کی اہلیہ پر تنقید کرنے والے
صدر ڈونلڈ ٹرمپ خود بے نقاب ہوگئے۔ جنوری 2015 میں جب سابق خاتونِ اول مشیل اوباما سعودی عرب گئی تھیں تو انھوں نے بھی سکارف نہیں پہنا تھا جس پر ٹرمپ نے ٹویٹ کی تھی کہ مشیل نے اپنے میزبانوں کی توہین کی ہے ۔دوسری جانب امریکی صدر ڈونلڈ ٹرمپ جو سعودی عرب کے دورے پر پہنچے ہیں اورانکے ہمراہ خاتون اول میلانیا اور بیٹی ایوانکا ٹرمپ بھی ہیں جنھوں نے نے سر پر سکارف نہیں پہنے۔
