واشنگٹن(این این آئی) سعودی وزیرِ خارجہ نے کہاہے کہ امریکہ اور مغرب، اسلامی دنیا کے دشمن نہیں ہیں۔غیرملکی خبررساں ادارے کے مطابق گزشتہ روز میڈیا سے بات چیت کرتے ہوئے وزیر خارجہ عادل بن احمد الجبیر کا کہنا تھا کہ یہ اسلامی دنیا کے لیے بہت بھرپور پیغام ہے کہ امریکہ اور مغرب آپ کے دشمن نہیں ہیں۔ یہ مغرب کے لیے بھی بھرپور پیغام ہے کہ اسلام آپ کا دشمن نہیں ہے۔
غیرملکی خبررساں ادارے کے مطابق سعودی وزیرِ خارجہ عادل بن احمد الجبیر نے کہاکہ اس دورے سے اسلامی دنیا اور مغرب کے درمیان عموماً اور امریکہ کے درمیان خصوصاً مکالمہ بدل جائے گا۔ یہ شدت پسندوں کو تنہا کر دے گا، چاہے وہ ایران ہو، دولتِ اسلامیہ ہو یا القاعدہ ہو، جو کہتے ہیں کہ مغرب ہمارا دشمن ہے۔
