اسلام آباد (مانیٹرنگ ڈیسک)گرفتار دہشتگرد کی نشاندہی پر پشاور کے مضافات میں دہشتگردوں کے ٹریننگ کیمپ پر حساس اداروں اور پولیس کا مشترکہ چھاپہ، بڑی تعداد میں بارودی مواد ، خودکش جیکٹ، بم بنانے کے فارمولے و دیگر خطرناک اسلحہ برآمد کر لیا گیا۔ تفصیلات کے مطابق پولیس اور حساس اداروں نے ایک مشترکہ کارروائی میں گرفتار دہشتگرد کی اطلاع پر پشاور کے مضافات میںدہشتگردوں کے ٹریننگ کیمپ پر چھاپہ مار کر بھاری تعداد میں بارودی مواد، اسلحہ اور خطرناک

ڈیوائسز برآمد کر لی ہیں۔دہشتگردوں نے پشاور کے مضافات میں ایک ٹریننگ سکول قائم کر رکھا تھا جہاں وہ بم بنانے اور دہشتگردی کی تربیت دیتے تھے۔کارروائی کے دوران بڑی تعداد میں بارودی مواد برآمد کرنے کے علاوہ 10 وائرلیس سیٹ، 25 ریموٹ ڈیوائس، 200 میٹر پرائما کارڈ، خودکش جیکٹ، بم تیار کرنے کے فامولے، سی ڈیز ، یو ایس بیز، کتابیں، ایف ایم فریکوئنسی کا ٹرانسمیٹر، 10 سمیں اور 54 تیار آئی ای ڈی باکس برآمد کر لئے گئے ہیں