اسلام آباد(مانیٹرنگ ڈیسک) تازہ ترین میڈیا رپورٹس کے مطابق وزارت مذہبی امور کی طرف سے حج کوٹہ میں اضافے کیلئے دی جانے والے درخواست سعودی وزارت حج نے مسترد کر دی ہے ۔ تفصیلات کے مطابق سعودی وزارت حج کا کہنا تھا کہ پاکستان کی ابھی مردم شماری مکمل نہیں ہوئی جس کی بنیاد پر یہ اندازہ لگانا مشکل ہے کہ کتنی آبادی بڑھ چکی ہے مردم شماری کا انتظار کیا جاتا ہے۔مردم شماری کے بعد

اس بات پر غور کیا جا سکتا ہے کہ پاکستان کا حج کے حوالے سے کوٹہ کتنا بڑھایا جا سکتا ہے۔ درخواست مسترد ہونے کے ساتھ ہی 2017 کے حج کوٹے میں اضافے سے متعلق تمام امکانات ختم ہوگئے ہیں تاہم سال 2018 میں یہ امکان ہے کہ آبادی کے اعداد و شمار سامنے آنے کے بعد حج کوٹے میں بھی اضافہ ہو جائے۔ رواں سال سرکاری سکیم اور نجی ٹوور آپریٹرز کے تحت 1 لاکھ 79 ہزار 210 پاکستانی فریضہ حج ادا کریں گے۔