اسلام آباد (آئی این پی) پارلیمنٹ کے اند ر سیاسی حریف باہر بہترین حلیف بن گئے ‘جے یو آئی (ف) کے سربراہ مولانا فضل الرحمن نے تحریک انصاف کے قومی اسمبلی میں پارلیمانی ہیڈ شاہ محمود قریشی کوگلے لگا لیا شاہ محمود قریشی کے شکووؤں پر مسکراتے رہے۔ تفصیلات کے مطابق جمعیت علماء4 اسلام (ف)کے سربراہ مولانا فضل الرحمان قومی اسمبلی اجلاس میں شرکت کے بعد پارلیمنٹ ہاؤس سے باہرآئے تو گیٹ پر تحریک انصاف کے

مرکزی رہنما شاہ محمود قریشی میڈیا سے گفتگو کررہے تھے تواس موقع پرحلیف جماعتوں کے رہنماؤں سے ایک دوسرے کا حال دریافت کیا تو مولانا فضل الرحمان نے شاہ محمود قریشی کو گلے لگا لیا تاہم بعد ازاں میڈیا کے متوجہ ہونے پر دونوں الگ الگ ہوگئے اس دوران پی ٹی آئی کے رہنما شاہ محمود قریشی نے مولانا فضل الرحمان سے شکوہ کیا کہ آپ نے فاٹا اصلاحات کے بل میں رکاوٹ ڈال دی ہے جس پر مولانا فضل الرحمان جواب دینے کی بجائے مسکراتے رہے۔

موضوعات:پارلیمنٹ مولانا فضل الرحمان