اسلام آباد(مانیٹرنگ ڈیسک) حکومت کے بڑے اتحادی مولانا فضل الرحمن نے نواز شریف کو حکومت سے علیحدگی کی دھمکی دیدی۔ تفصیلات کے مطابق وفاقی وزیر عبد القادر بلوچ نے ایک اہم اجلاس میں فاٹا سے تعلق رکھنے والے اراکین قومی اسمبلی کو بتایا ہے کہ وزیر اعظم نواز شریف کا فون آیا تھا اور انہوں نے کہا ہے کہ فاٹا اصلاحات پر اس وقت تک کام روک دیں جب تک میں واپس نہ آ جائوں۔

رپورٹس کے مطابق کل محمود اچکزئی  بھی مولانا فضل الرحمن کے گھر گئے تھے۔ وہاں سے دونوں نے مل کر میاں نواز شریف کو فون کیا تھا۔مولانا فضل الرحمن نے فاٹا کے معاملے پر نواز شریف کو دھمکی دی ہے کہ اگر ان کی بات نہ مانی گئی تو وہ حکومتی اتحاد چھوڑ دیں گے۔ دوسری جانب میڈیا رپورٹ سے کے مطابق یہ اطلاعات ہیں کہ مولانا فضل الرحمن اور محمود خان اچکزئی کے تحفظات دور نہ ہونے کی وجہ سے حکومت شدید مشکلات میں ہے۔ ڈپٹی پارلیمانی لیڈر شاہ جی گل فاٹا اصلاحات کو موخر کئے جانے پر ڈٹ گئے ہیں۔ اس حوالے سے شاہ جی گل کو پی ٹی آئی، پی پی پی اور اے این پی کی حمایت بھی حاصل ہے۔