اسلام آباد (مانیٹرنگ ڈیسک) تازہ ترین میڈیا رپورٹس کے مطابق فوجی عدالت کی جانب سے پاکستان کے مزید 4دشمنوں کو تختہ دار پر لٹکا دیا گیا ہے ۔ تفصیلات کے مطابق پاکستان میں فوجی عدالتیں ان دنوں پوری طرح متحرک ہیں اور ایک بعد ایک ملک دشمنوں کو بڑی ہی سرعت کے ساتھ ان کے عبرت ناک انجام تک پہنچا یا جا رہا ہے جس کے سلسلے میں آج مزید 4خطرناک دہشت گردوں کو پھانسی دیدی گئی ۔

پاک فوج کے شعبہ تعلقات عامہ(آئی ایس پی آر ) کے مطابق چاروں دہشتگرد محمد ابراہیم،رضوان اللہ ،سردار علی اور شیر محمد خان کا تعلق کالعدم تحریک طالبان پاکستان سے تھا ۔تختہ دار پر لٹکائے جانیوالے چاروں دہشتگرد معصوم شہریوں کے قتل،تعلیمی اداروں کی تباہی،فورسز پر حملوں اور مواصلاتی نظام کو تباہ کرنے میں ملوث تھے اور انہوں نے مجسٹریٹ کے سامنے اپنے جرائم کا اعتراف کیا۔سزا پانیوالے دہشتگردوں کو آج صبح خیبر پختونخوا کی جیل میں پھانسی دی گئی۔