بیجنگ(مانیٹرنگ ڈیسک)ون بیلٹ ون روڈ سربراہی اجلاس،وزیراعلی نے لکھی ہوئی تقریر کی بجائے انتہائی مدلل انداز میں اپنے فی البدیع خطاب سے شرکاء کو خوب متاثر کیا ،اس انداز خطاب کو سربراہان مملکت نے خصوصی طو رپر سراہا ۔تجزیہ کار بھی اِس انداز کے متعرف ہوئے اُنہوں کا خیال ہے کہ شہباز شریف کے اِس انداز خطاب میں امریکہ کے سابق صدر اوبامہ کی جھلک خوب نمایاں رہی ۔یاد رہے کہ انٹر نیشل فورم پر اوبامہ فی البدیع خطاب کے حوالے سے اپنا منفرد اور جداگانہ مقام رکھتے ہیں
اپنے خیالات کا اظہار کرتے ہوئے وزیراعلی پنجاب میاں شہباز شریف نے کہا کہ بیلٹ اور روڈ ویژن رابطوں کے نئے دور کا آغاز ہے،چین کے صدر شی جن پنگ کا بیلٹ اور روڈ ا قدام نہ صرف مستقبل کا آئینہ دار ہے بلکہ یہ ایک تاریخ ساز اقدام ہے،بیلٹ اور روڈ فورم تعاون کو فروغ دینے پر مبنی مستقبل کا شاندار فریم ورک ہے،ممالک کے درمیان اشتراک کو فروغ دینے کے لئے بیلٹ او ر روڈ فورم ایک بہترین پلیٹ فارم ہے ۔انہوں نے کہا کہ سست عالمی اقتصادی بحالی اور اقتصادی عالمگیریت کو درپیش نئے خطرات کے پس منظر میں چینی صدر شی جن پنگ کابیلٹ اور روڈ کا اقدام منفرد حیثیت رکھتا ہے،چینی صدر شی جن پنگ نے بیلٹ اور روڈ کے جرات مندانہ اقدام کے ذریعے محفوظ مستقبل کی بنیاد رکھی ہے،یہ اقدام ترقیاتی حکمت عملی کو نئی جہت دے گا،چینی صدر شی جن پنگ کابیلٹ اورروڈ کا ویژن خطے میں دیر پا امن، استحکام اور معاشی مضبوطی لائے گا،یہ معاشی ترقی کے سفر میں لوگوں کو شراکت دار بناکر دل و دماغ جیتنے کا تاریخی اقدام ہے،یہ شاندار اقدام لوگوں کو بااختیار بناکر دہشت گردی اور انتہا پسندی کے ناسور پر قابو پانے کاایک مؤثر طریقہ ہے۔
