نئی دہلی/فتح آباد (آئی این پی)یہ پہن لو۔۔۔!سابق بھارتی فوجی کی بیوی نے 56انچ سینے کا دعویٰ کرنے والے وزیراعظم نریندر مودی کو 56انچ کا بلاؤز بھیج دیا۔بھارتی میڈیا کے مطابق ایک سابق فوجی کی بیوی نے حالیہ حملو ں میں سیکورٹی اہلکاروں کی ہلاکتوں پر 56انچ سینے کا دعویٰ کرنے والے وزیراعظم نریندر مودی کو 56انچ کا بلاؤز بھجوایا ہے ۔

وزیراعظم کو ایک خط میں سابق فوجی درامیور سنگھ کی بیوی سمن سنگھ نے مودی کو یاددہانی کرائی ہے کہ بھارتیہ جنتا پارٹی نے 2014میں لوک سبھا انتخابات سے قبل دعویٰ کیا تھا کہ اگر وہ اقتدار میں آگئی تو پاکستان بھارتی فوجیوں پر حملے کی جرات نہیں کرسکے گا لیکن صورتحال اب بھی بدتر ہے ۔خاتون کے شوہر نے صحافیو ں کو بتایاکہ خط وزیراعظم کو بلاؤز کے ساتھ فتح آباد میں ضلعی فوجی بورڈ کو پیش کیا گیا تھا۔